Den eldre Edda

9. Þrymskviða — The Lay of Thrym

1 Vreiðr var þá Vingþórr er hann vaknaði
ok síns hamars of saknaði,
skegg nam at hrista, skör nam at dýja,
réð Jarðar burr um at þreifask.

2 Ok hann þat orða alls fyrst of kvað:
"Heyrðu nú, Loki, hvat ek nú mæli
er eigi veit jarðar hvergi
né upphimins:
áss er stolinn hamri!"

3 Gengu þeir fagra Freyju túna,
ok hann þat orða alls fyrst of kvað:
"Muntu mér, Freyja, fjaðrhams léa,
ef ek minn hamar mættak hitta?".

4 Freyja kvað:
"Þó munda ek gefa þér þótt ór gulli væri, ok þó selja, at væri ór silfri."

5 Fló þá Loki, - fjaðrhamr dunði, -
unz fyr útan kom ása garða
ok fyr innan kom jötna heima.

6 Þrymr sat á haugi, þursa dróttinn,
greyjum sínum gullbönd sneri
ok mörum sínum mön jafnaði.

7 Þrymr kvað:
"Hvat er með ásum? Hvat er með alfum? Hví ertu einn kominn í Jötunheima?"

Loki kvað:

"Illt er með ásum, illt er með alfum;
hefr þú Hlórriða hamar of folginn?"

8 Þrymr kvað:
"Ek hef Hlórriða hamar of folginn átta röstum fyr jörð neðan;
hann engi maðr aftr of heimtir,
nema færi mér Freyju at kvæn."

9 Fló þá Loki, - fjaðrhamr dunði, -
unz fyr útan kom jötna heima
ok fyr innan kom ása garða.
Mætti hann Þór miðra garða,
ok þat hann orða alls fyrst of kvað:

10 "Hefr þú erendi sem erfiði?
Segðu á lofti löng tíðendi,
oft sitjanda sögur of fallask
ok liggjandi lygi of bellir."

11 Loki kvað:
"Hef ek erfiði ok erendi; Þrymr hefr þinn hamar, þursa dróttinn;
hann engi maðr aftr of heimtir,
nema hánum færi Freyju at kván.

12 Ganga þeir fagra Freyju at hitta,
ok hann þat orða alls fyrst of kvað:
"Bittu þik, Freyja, brúðar líni;
vit skulum aka tvau í Jötunheima."

13 Reið varð þá Freyja ok fnasaði,
allr ása salr undir bifðisk,
stökk þat it mikla men Brísinga:
"Mik veiztu verða vergjarnasta,
ef ek ek með þér í Jötunheima."

14 Senn váru æsir allir á þingi
ok ásynjur allar á máli,
ok um þat réðu ríkir tívar
hvé þeir Hlórriða hamar of sætti.

15 Þá kvað þat Heimdallr, hvítastr ása,
vissi hann vel fram sem vanir aðrir:
"Bindum vér Þór þá brúðar líni,
hafi hann it mikla men Brísinga.

16 Látum und hánum hrynja lukla
ok kvenváðir um kné falla,
en á brjósti breiða steina
ok hagliga um höfuð typpum."

17 Þá kvað þat Þór, þrúðugr áss:
"Mik munu æsir argan kalla,
ef ek bindask læt brúðar líni!"

18 Þá kvað þat Loki Laufeyjar sonr:
"Þegi þú, Þórr, þeira orða.
Þegar munu jötnar Ásgarð búa,
nema þú þinn hamar þér of heimtir."

19 Bundu þeir Þór þá brúðar líni
ok inu mikla meni Brísinga,
létu und hánum hrynja lukla
ok kvenváðir um kné falla,
en á brjósti breiða steina,
ok hagliga um höfuð typpðu.

20 Þá kvað Loki Laufeyjar sonr:
"Mun ek ok með þér ambótt vera,
vit skulum aka tvær í Jötunheima."

21 Senn váru hafrar heim of reknir,
skyndir at sköklum, skyldu vel renna;
björg brotnuðu, brann jörð loga,
ók Óðins sonr í Jötunheima.

22 Þá kvað þat Þrymr, þursa dróttinn:
"Standið upp, jötnar, ok stráið bekki,
nú færa mér Freyju at kván
Njarðar dóttur ór Nóatúnum.

23 Ganga hér at garði gullhyrnðar kýr,
öxn alsvartir jötni at gamni;
fjölð á ek meiðma, fjölð á ek menja,
einnar mér Freyju ávant þykkir."

24 Var þar at kveldi of komit snemma
ok fyr jötna öl fram borit;
einn át oxa, átta laxa,
krásir allar, þær er konur skyldu,
drakk Sifjar verr sáld þrjú mjaðar.

25 Þá kvat þat Þrymr, þursa dróttinn:
"Hvar sáttu brúðir bíta hvassara?
Sák-a ek brúðir bíta breiðara,
né inn meira mjöð mey of drekka."

26 Sat in alsnotra ambótt fyrir,
er orð of fann við jötuns máli:
"Át vætr Freyja átta nóttum,
svá var hon óðfús í Jötunheima."

27 Laut und línu, lysti at kyssa,
en hann útan stökk endlangan sal:
"Hví eru öndótt augu Freyju?
Þykki mér ór augum eldr of brenna."

28 Sat in alsnotra ambótt fyrir,
er orð of fann við jötuns máli:
"Svaf vætr Freyja átta nóttum,
svá var hon óðfús í Jötunheima."

29 Inn kom in arma jötna systir,
hin er brúðféar biðja þorði:
"Láttu þér af höndum hringa rauða,
ef þú öðlask vill ástir mínar,
ástir mínar, alla hylli.

30 Þá kvað þat Þrymr, þursa dróttinn:
"Berið inn hamar brúði at vígja,
lekkið Mjöllni í meyjar kné,
vígið okkr saman Várar hendi."

31 Hló Hlórriða hugr í brjósti,
er harðhugaðr hamar of þekkði;
Þrym drap hann fyrstan, þursa dróttin,
ok ætt jötuns alla lamði.

32 Drap hann ina öldnu jötna systur,
hin er brúðféar of beðit hafði;
hon skell of hlaut fyr skillinga,
en högg hamars fyr hringa fjölð.
Svá kom Óðins sonr endr at hamri.

Старшая Эдда

9. Песнь о Трюме³²⁷

1 Винг-Тор³²⁸ от сна
разъяренный встал;
увидел, что Мьёлльнир
молот пропал,³²⁹
бородою взмахнул,
волосами затряс,
сын Ёрд повсюду
искать стал и шарить.

2 И речь он такую
повел сначала:
«Слушай-ка, Локи,
тебе я скажу
то, что не знают
ни на земле,
ни в поднебесье:
похищен мой молот!»

3 Пошли они к дому
Фрейи прекрасному,
и речь он такую
повел сначала:
«Фрейя, не дашь ли
наряд свой из перьев,
чтоб я свой молот
мог бы сыскать?»

4 Фрейя сказала:
«Отдала бы его,
будь золотым он;
ссудила б его,
будь он серебряным».

5 Полетел тогда Локи —
шумели перья, —
умчался он прочь
от жилища асов,
примчался он в край,
где ётуны жили.

6 Трюм на кургане
сидел, князь турсов,
ошейники псам
из золота плел он
и гривы коням
густые приглаживал.

7 Трюм сказал:
«Что там у асов?
Что там у альвов?
Зачем ты один
в Ётунхейм прибыл?»

Локи сказал:

«Неладно у асов!
Неладно у альвов!
Не ты ли запрятал
Хлорриди³³⁰ молот?»

8 Трюм сказал:
«Да, я запрятал
Хлорриди молот
на восемь поприщ
в землю глубоко;
никто не возьмет
молот обратно,
разве что Фрейю
в жены дадут мне³³¹».

9 Полетел тогда Локи, —
шумели перья, —
умчался из края,
где ётуны жили,
примчался назад
к жилищу асов.
Тор его встретил
среди строений,
и речь он такую
повел сначала:

10 «Успешны ли были
молота поиски?
Прежде чем сел ты,
скорее поведай!
Бывает, кто сядет,
весть позабудет,
тот же, кто ляжет,
лгать начинает».

11 Локи сказал:
«Успешными были
молота поиски:
у Трюма он спрятан,
у конунга турсов;
никто не возьмет
молот обратно,
разве что Фрейю
в жены дадут ему».

12 Отправились оба
к Фрейе прекрасной,
и речь он такую
повел сначала:
«Брачный убор,
Фрейя, надень!
В Етунхейм мы
поедем вдвоем».

13 Разгневалась Фрейя,
зафыркала так,
что затряслись
асов палаты,
с нее сорвалось
ожерелье Брисингов:³³²
«Меня бы распутной
назвать пристало,
коль в Етунхейм я
поеду с тобою!»

14 Тотчас собрались
все асы на тинг
и асиньи все
сошлись на совет,
о том совещались
сильные боги,
как им вернуть
Хлорриди молот.

15 Хеймдалль сказал,
светлейший из асов, —
ванам подобно
судьбу он провидел;
«Тору наденем
брачный убор!
Украсим его
ожерельем Брисингов!

16 Связка ключей
бренчать будет сзади,
женская скроет
колени одежда,
камней драгоценных
на грудь нацепим,
голову пышным
убором накроем!³³³»

17 Тор отвечал,
отважнейший ас:
«Меня назовут
женовидным асы,
если наряд я
брачный надену!»

18 Локи сказал,
рожденный Лаувейей:
«Тор, ты напрасно
об этом толкуешь!
Асгард захватят
ётуны тотчас,
если свой молот
не сможешь вернуть».

19 Тору надели
брачный убор,
украсили грудь
ожерельем Брисингов,
связка ключей
забренчала сзади,
женская скрыла
колени одежда,
камней дорогих
на грудь нацепили,
голову пышным
убором накрыли.

20 Локи сказал,
рожденный Лаувейей:
«Буду тебе я
служанкой доброй,
вместе поедем
с тобою в Етунхейм!»

21 Пригнали козлов
к дому поспешно
и тотчас впрягли их
для резвого бега.
Горела земля,
рушились горы:
в Етунхейм ехал
Одина сын.

22 Сказал тогда Трюм,
ётунов конунг:
«Скорей застилайте,
ётуны, скамьи!
Фрейю везут мне,
невесту прекрасную,
Ньёрдом рожденную
из Ноатуна!

23 Коровы тут ходят
золоторогие,
черных быков
немало у турса;
вдоволь сокровищ,
вдоволь каменьев,
только мне Фрейи
одной не хватало».

24 Путники вечером
рано приехали;
ётунам пиво
подано было.
Гость съел быка
и восемь лососей
и лакомства съел,
что для жен припасли,
и три бочки меду
Тор опростал.

25 Сказал тогда Трюм,
ётунов конунг:
«Где виданы девы,
жаднее жевавшие?
Не знал я невест,
наедавшихся так,
и дев, что по стольку
пива глотали!»

26 Рядом сидела
служанка разумная,
слово в ответ
ётуну молвила:
«Восемь ночей
не ела Фрейя,
так не терпелось ей
к турсам приехать».

27 Откинул покров,
поцелуй дать хотел,
но прочь отпрянул
оторопело:
«Что так у Фрейи
сверкают глаза?
Пламя из них
ярое пышет!»

28 Рядом сидела
служанка разумная,
слово в ответ
ётуну молвила:
«Восемь ночей
без сна была Фрейя,
так не терпелось ей
к турсам приехать».

29 Вошла тут проклятая
турсов сестра,
стала просить
даров у невесты;
«Дай мне запястья,
червонные кольца,
коль добиваешься
дружбы моей,
дружбы моей
и приязни доброй».

30 Сказал тогда Трюм,
ётунов конунг:
«Скорей принесите
молот сюда!
На колени невесте
Мьёлльнир кладите!
Пусть Вар³³⁴ десница
союз осенит!»

31 У Хлорриди дух
рассмеялся в груди,
когда могучий
свой молот увидел;
пал первым Трюм,
ётунов конунг,
и род исполинов
был весь истреблен.

32 Убил он старуху,
турсов сестру,
что дары у невесты
раньше просила:
вместо даров
ей удары достались,
вместо колец
колотил ее молот.
Так Тор завладел
молотом снова.